حين استيقظت فى الصباح
وجدت أمى بتعجن
علشان تخبز علشان تعمل لينا
مم
فقعدت أتكلم معاها بصفتى الحبوب ابنها
وقعدت أشوفها تحط دقيق وبعدين خميرة وشوية ميه
ضحكت قالت ايه
قلت دا ايه العجن دا
قالت ما هو اسمه عجين
عندها افتكرت سياسة التعامل الأمنى مع البشر
فعلا سياسة العجن
لكن فى فرق بين عجن أمى علشان المم
دا بينفع
وفى فرق بين عجن الأمن علشان الهم
واللى حصل مؤخرا من اعتقال الطلاب دا عجن
واعتقال حسن الصواف وإخوانه دا عجن قوى
واعتقال مجموعة التسعة دا لت وعجن
وبعدين الافراج عن الطلاب والتسعة واعتقال مصعب وحسن الصواف واخوانهم
دا لت وعجن بس فى قوانين الدستور
ههههه
ضحكتنى يامنيل
دستور دستور ياسيدنا
يعجل كلامنا حديد عليهم
المهم عايزك تحاول تحط الفرق بين عجن الأمن وعجين الوالدة
بتاع المم هه
وشوف وقول ايه الفرق
من وجهة نظرى كله عجن
3 comments:
يبدو أن هذا الموضوع سيكون فكرة لبوست جديد عندي
راائع
أما تعليقي في البوست بقى ان شاء الله
حفظكم الله
اللت والعجن
هذا هو شعار الحزب الوطني الديمقراطي
سياسة اللت والعجن
صحيح بلدهم بتتقدم بيهم
وكأنهم في بلد تانية غير مصر خالص
ده عجين البلد
اما عجين الست الوالده
فده بقى ما لوش حل
تسلم ايدها عليه
وعجبي
السلام عليكم ورحمة الله وبركاته
طبعا الفرق واضح جدا للجميع
ولكن...
الجمع الكبير خايف على لقمة العيش اللى اتباعت وكمان هيشتريها ... مش جياله بالساهل
وهو مش عايز يشوف ولا يعرف ولا يفكر أنه يعرف
او يشوف أو ...
ولكن
ادخلوا عليهم الباب
فإذا دخلتموه فإنكم غالبون
Post a Comment